سندوتش دجاج على الطريقة الصينية ...
--------------------------------------------------------------------------------
السلام عليكم ورحمة الله وبركاته
جبت اليوم دجاج على الطريقة الصينيه ..
.
أول شئ نبغى صدور دجاج مقطعة شرايح وتنقعينها بـ ( خل -ليمون-ملح-فلفل-ثوم ) تقريبا الوقت اللي تبين بس كل ماطال الوقت كل ماصار احسن ..
بعدين تغمسينها ببيض وبعده دقيق وتقلينها بزيت غزير ..أنا ماكثرت الزيت حطيت شوي ع المقلاة وجلست اقلبهم فيه ...
.
وبعدين نحط بعلبة كاسين مويه مع ثلاث ملاعق نشاء مع اربع ملاعق كاتشاب وشوية شطه إذا تفضلون وملعقتين صلصة الصويا ..ونخلطهم مع بعض ونخليهم ع جنب ..
.
الحين نقطع بصل شرايح رفيعة وجزر وملفوف وفلفل ألوان الموجود منهم ..
ونحط على المقلاة شوية زيت وبعد مايتحمر نضع البصل ونقلبه وبعد كذا نحط الجزر والملفوف ونخليهم شوي لحد مانشوف انه الجزر استوى ..
بعد كذا نحط ملح وكمون وكاري ونقلبهم ونصب عليهم الخلطه اللي قبل شوي سويناها ..نخليه شوي لحد مايغلي بعدين نحط الدجاج المقلي عليهم ونحركهم ونخليهم ع النار شوي يتسبكون ...
.
بعد كذا نقدمه مع الرز الأبيض أو مع الخبز ..
وبالهنا والعافيه
موضوع: سندوتش دجاج على الطريقة الصينية 
الجمعة أغسطس 01, 2008 8:54 pm