موضوع: اطو صفحه الماضي الأحد أغسطس 10, 2008 6:28 pm
أنا بحب زميلي وباباه قال الخطوبة تقعد خمس سنوات.. المشكلة دلوقت إن باباه لما لقانا ناس مستواهم المادي عادي جدا ومش أغنياء زيهم رجع رفض بعد ما زميلي جاءنا البيت.
أنا بحبه وهو خلاص مش عارف يعمل إيه وكان لازم ينسحب من حياتي لأنه حاول معاه كتير ومقدرش وهو لسه تلميذ.. يا ترى هو كده اتنازل عني ولا هو فعلا بيحبني وبيخاف علي؟ ويا ترى لما أشوفه في الجامعة أكلمه عادي ولا بلاش نهائي؟ يا ريت تدعولي إن ربنا يوفقني معاه هو بس مش مع حد غيره.ي.م
fulla Admin
عدد الرسائل : 35 تاريخ التسجيل : 01/08/2008
موضوع: رد: اطو صفحه الماضي الأحد أغسطس 10, 2008 8:40 pm
أنت بتقولي إزاي يبقى التعامل مع زميلك أنا بقترح إنك تطوي صفحة الماضي تماما وخصوصا إن زميلك قالك صراحة "لازم ينسحب من حياتك لأنه حاول معاه كتير ومقدرش" يعني لو ده مش تنازل من جانبه عنك يبقى على الأقل ما حاولش يتمسك بيك أكتر وفي نفس الوقت ما وعدكيش إنه حتى هيحاول وبما إن والده مهتم جدا بالناحية المادية فأظن إن فكره ده مش هيتغير قريب... يعني الحل في البعد عن زميلك ده وحاولي ما تجمعش بينكم اللقاءات أو "الصدف" علشان ترتاحي من الموضوع ده وكل ما تشتاقي إنك تتكلمي معاه افتكري إن والده رافضك تماما وإن لو كان كلامكم في الأول على أساس الارتباط الرسمي فكلامكم ولقاءاتكم دلوقتي من غير أي أساس لا شرعي ولا حتى عاطفي.
حبي نفسك وقدريها علشان اللي حواليك يقدروها وإن شاء الله لما هتعدي الأزمة دي بنجاح ربنا هيبعتلك اللي يعرف الحديث الشريف "تنكح المرأة لأربع: لمالها، ولحسبها، ولجمالها، ولدينها، فاظفر بذات الدين تربت يداك" جربي تكوني "ذات الدين" اللي تعرف قيمة نفسها وبتحط أخلاقها وتدينها أمامها طوال الوقت ساعتها وساعتها بس هتلاقي نفسك بتدعي لنفسك بالخير مع اللي ربنا كاتبه من نصيبك.. جربي وطمنينا عليك.
دمعة فراق
عدد الرسائل : 45 العمر : 38 تاريخ التسجيل : 21/08/2008
موضوع: رد: اطو صفحه الماضي الجمعة أغسطس 22, 2008 7:44 pm
ممكن مش بأيده يبعد ويسيبك بس دا نصيب ممكن يكون صعب يحب غيرك بعدك انتى ملهوش حبيب وبعدين اللى بيحب بيضحى علشان الانسان اللى بيحبة وفى الاول والأخر دا نصيب