ابن عز
عدد الرسائل : 555
تاريخ التسجيل : 01/08/2008
 |  موضوع: أنا مبخافشى وحفضل أقول  السبت أغسطس 02, 2008 4:23 am | |
| أنا مبخافشى وحفضل أقول
كلمـة حــق عليها مسئـول
إن الريس راجــل طيــب
وبشعبه دايما مشغـــــول
مشغول انه يلم فلوسنا
بره سويسرا يحوشهالنا
وف حسابات سريه يشيلهالنا
نفسه يأمن مستقبلنا
شفتوا ازاى بقى قلبه رحيم
عنده ايمان وضميره سليم
بيجوعكوا لجل تخسوا
آه ياشعب يا محتاج لرجيم
من جهلكوا بتقولوا بطاله
وان الاحوال مش شغّاله
دا الراجل نفسه يريحكم
هى الراحه تبقى عواله؟
أما حكاية المنتجعات
ليه تسموها المعتقلات؟
ليه الظن وسوء النيّه
نفسه يفسحكوا يا بهوات
أما الكرسى واللى اتقال
دا كلام مش محتاج لسؤال
الغلطه دى غلطتنا يا عالم
إن مجبناش كرسى تيفال
والله انتم ظالمين الراجل
ضيّع عمره ومين يستاهل
حتى الاكل بياكله بدالنا
طالع واكل نازل واكل
بعد دا كلّه........ماله الريس؟؟؟؟؟؟؟؟؟؟؟ | |
|
