حب من طرف واحد

Admin عدد الرسائل : 35 تاريخ التسجيل : 01/08/2008

أنا عايز أعرف حاجة هو ليه الحب موجود؟ أنا فعلا في مشكلة ومحتاج حد يساعدني.. أنا ليّ زميلة في الجامعة ومعجب بيها قوي بس كل ما باقول لها كده بحِّس إنها بتبعد عني. وأخيرا دلوقتي مش بنكلم بعض خالص ولا حتى بنتصل ببعض..

المشكلة إني بحبها بجد وكل ما باجرب أقلل من حبي ده مش باقدر. وهي كمان بتحس قوي من أي تصرف باعمله معاها وأخير كلِّمتها وعرَّفتها إني مستعد أعمل علشانها أي حاجة. ومن اليوم ده مش بنتكلم خالص.. أنا لمّا بحب حد بتعلّق بيه قوي، وهي بالذات حتى لو كان حبي مش صادق وحقيقي مكانش يستمر أكتر من سنتين.

حقيقي أنا تعبان قوي وكمان أنا بامتحن دلوقتي ومش عارف أركِّز خالص.. دايما في بالي ودايما بافكر أرجّع العلاقة بينّا ازاي حتى لو كان حبي ليها من طرف واحد، أنا مش قادر أنساها ومحدش يقول لي حاول لأني بجد مش قادر أنا حاسس إني خسرت قوي لما بِعدت عني. ض.

Admin عدد الرسائل : 35 تاريخ التسجيل : 01/08/2008

أسوأ شيء في الدنيا إن الإنسان يحول حياته بإيده لعذاب وآلام. وللأسف إنت عملت في نفسك كده وعذِّبت نفسك بحب من طرف واحد، واستسلمت لألمه وعذابه، ورافض حتى إنك تحاول تنساها وتفكر في مستقبلك ودراستك وامتحاناتك.
فمن كلامك واضح جدا إن الإنسانة دي مش بتفكر فيك إلا كزميل، ولما لقِت تصرفاتك معاها اتحولت لتصرفات واحد بيحب مش زميل بِعدِت عنك، ولو كان فيه أمل إنها تبادلك مشاعرك، كانت حتى اتكلمت معاك وعِرفت مشاعرك واتعاطفت معاها، لكن بُعدها واستهجانها لمشاعرك بالطريقة دي يؤكد رفضها التام لمشاعرك، وصدقني حبك ليها من طرف واحد هيعذبك إنت لوحدك ومش هيفرق مع اللي بتحبه في شيء ومش هيحس بعذابك وألمك، يبقى عذاب بعذاب حاول تنسى الحب ده واستحمل عذاب النسيان أفضل من عذاب حب من غير أمل هيقضي على مستقبلك ويشغلك عن مذاكرتك وامتحاناتك.
ولو مش قادر تنسى حاول تأجِّل التفكير فيه لبعد الامتحانات، أكيد ده هيكون صعب لكن حاول تعمله علشان ما تخسرش كل شيء... وربنا معاك.

انا مش شايف انها مزنبة بحاجة خصوصا باين من كلامك انها موعدتكش بأى حاجة والحب من طرف واحد بيبقى مسئول عنه اللى بيحب مش المحب برفضة او بقبولة من الطرف التانى وممكن تكون هيا بتعاملك كذميل ومش حاسة بنحيتك غير بكدة وممكن كمان تكون مرتبطة ومش عاوزة تقولك ومتيأسش ابحث عن حب حقيقى يكون من طرفين حتلاقى واوعى تعمل زييى واهو وجع ساعة ولا كل ساعة